Қашқадарёда 2024 йили 25 минг гектар ер қайта фойдаланишга киритилади. Бу ҳақда Қишлоқ хўжалиги вазирлиги матбуот хизмати хабар берди.
Маълум қилинишича, сўнгги йилларда Ўзбекистонда аҳоли сони ошиб бораётгани сифатли озиқ-овқат маҳсулотларига бўлган эҳтиёжнинг ортишига олиб келмоқда.
Шундан келиб чиқиб 2024 йилда Қашқадарё вилоятида 25 минг гектар ер қайта фойдаланишга киритилиши режалаштирилган.
“Айни пайтда янги ўзлаштириладиган ҳамда қайта фойдаланишга киритиладиган ушбу ер майдонларига илм билан ёндашган ҳолда, кам сув талаб қиладиган, сувсизликка чидамли ва сув тўплаш хусусиятига эга бўлган экинларни жойлаштириш, қишлоқ хўжалиги учун мўлжалланган ерлардан бир мавсумда камида 2 марта ҳосил олиш чораларини кўриш, бунда тезпишар экинлар уруғи, кўчатлар, минерал ўғит, ёнилғи-мойлаш материаллари ва бошқа турдаги ресурслар билан барқарор таъминлаш тизимини яратиш бўйича тегишли чора-тадбирлар кўрилмоқда”, — дейилади хабарда.
Изоҳ (0)