Qashqadaryoda 2024-yili 25 ming gektar yer qayta foydalanishga kiritiladi. Bu haqda Qishloq xo‘jaligi vazirligi matbuot xizmati xabar berdi.
Maʼlum qilinishicha, so‘nggi yillarda O‘zbekistonda aholi soni oshib borayotgani sifatli oziq-ovqat mahsulotlariga bo‘lgan ehtiyojning ortishiga olib kelmoqda.
Shundan kelib chiqib 2024-yilda Qashqadaryo viloyatida 25 ming gektar yer qayta foydalanishga kiritilishi rejalashtirilgan.
“Ayni paytda yangi o‘zlashtiriladigan hamda qayta foydalanishga kiritiladigan ushbu yer maydonlariga ilm bilan yondashgan holda, kam suv talab qiladigan, suvsizlikka chidamli va suv to‘plash xususiyatiga ega bo‘lgan ekinlarni joylashtirish, qishloq xo‘jaligi uchun mo‘ljallangan yerlardan bir mavsumda kamida 2-marta hosil olish choralarini ko‘rish, bunda tezpishar ekinlar urug‘i, ko‘chatlar, mineral o‘g‘it, yonilg‘i-moylash materiallari va boshqa turdagi resurslar bilan barqaror taʼminlash tizimini yaratish bo‘yicha tegishli chora-tadbirlar ko‘rilmoqda”, — deyiladi xabarda.
Izoh (0)