Яманнинг жануби-ғарбий соҳилларида кемага ҳужум қайд этилди. Бирлашган Қироллик денгиз савдоси операциялари маркази (UКMTO) воқеа 19 февраль, душанбага ўтар кечаси Моча порт шаҳридан 35 денгиз мили жанубда содир бўлганини маълум қилган. Бу ҳақда Deutsche Welle хабар берди.
-TIUFOUCj.jpg)
“Кема капитани кема яқинида портлаш содир бўлганлиги ва зарар етказилгани ҳақида хабар берди. У барча экипаж аъзолари хавфсиз эканлигини маълум қилди”, — дейилади UКMTO хабарида.
Кейинроқ аниқланишича, экипаж ҳарбий ҳокимият маълумотларига кўра, кемани тарк этган. Кемаларга эҳтиёткорлик билан ҳаракат қилиш ва ҳар қандай шубҳали фаолият ҳақида хабар бериш тавсия этилган.
Яманнинг Эрон томонидан қўллаб-қувватланган ҳусий исёнчилари 2023 йил октябрь ойида ҲАМАС ҳаракати Исроилга ҳужум қилганидан буён Қизил денгиздаги тижорат кемаларига дронлар ва ракеталар билан мунтазам зарбалар бериб келмоқда. АҚШ ва Буюк Британия ўз иттифоқчилари кўмагида январь ойи ўрталаридан бошлаб Ямандаги ҳусийлар объектларига йирик ҳужумлар уюштирди.
Февраль ойи бошида Европа Иттифоқи давлатлари Қизил денгизда юк ташишни ҳимоя қилиш учун Аспидес номли ҳарбий операция ўтказишга келишиб олган эди. Операцияни бошлаш бўйича расмий қарор 19 февраль куни Брюсселда бўлиб ўтадиган Европа Иттифоқи ташқи ишлар вазирларининг конференциясида қабул қилиниши кутилмоқда.
Изоҳ (0)