Yamanning janubi-g‘arbiy sohillarida kemaga hujum qayd etildi. Birlashgan Qirollik dengiz savdosi operatsiyalari markazi (UKMTO) voqea 19-fevral, dushanbaga o‘tar kechasi Mocha port shahridan 35 dengiz mili janubda sodir bo‘lganini ma’lum qilgan. Bu haqda Deutsche Welle xabar berdi.
-TIUFOUCj.jpg)
“Kema kapitani kema yaqinida portlash sodir bo‘lganligi va zarar yetkazilgani haqida xabar berdi. U barcha ekipaj aʼzolari xavfsiz ekanligini maʼlum qildi”, — deyiladi UKMTO xabarida.
Keyinroq aniqlanishicha, ekipaj harbiy hokimiyat maʼlumotlariga ko‘ra, kemani tark etgan. Kemalarga ehtiyotkorlik bilan harakat qilish va har qanday shubhali faoliyat haqida xabar berish tavsiya etilgan.
Yamanning Eron tomonidan qo‘llab-quvvatlangan husiy isyonchilari 2023-yil oktyabr oyida HAMAS harakati Isroilga hujum qilganidan buyon Qizil dengizdagi tijorat kemalariga dronlar va raketalar bilan muntazam zarbalar berib kelmoqda. AQSH va Buyuk Britaniya o‘z ittifoqchilari ko‘magida yanvar oyi o‘rtalaridan boshlab Yamandagi husiylar obyektlariga yirik hujumlar uyushtirdi.
Fevral oyi boshida Yevropa Ittifoqi davlatlari Qizil dengizda yuk tashishni himoya qilish uchun Aspides nomli harbiy operatsiya o‘tkazishga kelishib olgan edi. Operatsiyani boshlash bo‘yicha rasmiy qaror 19-fevral kuni Bryusselda bo‘lib o‘tadigan Yevropa Ittifoqi tashqi ishlar vazirlarining konferensiyasida qabul qilinishi kutilmoqda.
Izoh (0)