16 февраль куни туркиялик қутқарувчилар Эгей денгизида 125 нафар тартибсиз йўналишдаги муҳожирларни қутқариб қолди. Бу ҳақда Anadolu нашри хабар берди.
Даставвал Туркия қирғоқ қўриқлаш бўлинмалари Ғарбий Муғла вилоятининг Бодрум тумани яқинида резина қайиқда бўлган 47 муҳожирни қутқариб қолгани маълум қилинган. Қутқарилганлар аввалига Греция томон сузган. Аммо Афина қирғоқ назорати маъмурияти муҳожирларга ҳудудий сувларга киришни тақиқлаб қўйган.
Яна 78 нафар ноқонуний муҳожир Измир вилоятининг Чешме тумани қирғоқларида қутқариб олинган. Ҳозирда муҳожирлар депортация қилиш учун маҳаллий иммиграция идораларига олиб кетилган.
Туркия ва глобал ҳуқуқ ташкилотлари Грециянинг бошпана изловчиларни ортга қайтариш бўйича ноқонуний амалиётини қайта-қайта қоралаб, бу қарор ночор муҳожирлар, жумладан, аёллар ва болалар ҳаётини хавф остига қўйиб, инсонпарварлик қадриятлари ва халқаро қонунларга зид эканини билдирган.
Изоҳ (0)