16-fevral kuni turkiyalik qutqaruvchilar Egey dengizida 125 nafar tartibsiz yo‘nalishdagi muhojirlarni qutqarib qoldi. Bu haqda Anadolu nashri xabar berdi.
Dastavval Turkiya qirg‘oq qo‘riqlash bo‘linmalari G‘arbiy Mug‘la viloyatining Bodrum tumani yaqinida rezina qayiqda bo‘lgan 47 muhojirni qutqarib qolgani maʼlum qilingan. Qutqarilganlar avvaliga Gretsiya tomon suzgan. Ammo Afina qirg‘oq nazorati maʼmuriyati muhojirlarga hududiy suvlarga kirishni taqiqlab qo‘ygan.
Yana 78 nafar noqonuniy muhojir Izmir viloyatining Cheshme tumani qirg‘oqlarida qutqarib olingan. Hozirda muhojirlar deportatsiya qilish uchun mahalliy immigratsiya idoralariga olib ketilgan.
Turkiya va global huquq tashkilotlari Gretsiyaning boshpana izlovchilarni ortga qaytarish bo‘yicha noqonuniy amaliyotini qayta-qayta qoralab, bu qaror nochor muhojirlar, jumladan, ayollar va bolalar hayotini xavf ostiga qo‘yib, insonparvarlik qadriyatlari va xalqaro qonunlarga zid ekanini bildirgan.
Izoh (0)