Россиянинг Мурманск вилоятидаги Шимолий флот ҳарбий суди Ўзбекистон фуқаросини террорчилик фаолиятига кўмаклашгани учун 9 йилга озодликдан маҳрум қилди. Бу ҳақда суд матбуот хизматига таяниб, “ТАСС” хабар берди.
“Шимолий флот ҳарбий суди Ўзбекистон фуқароси Россия Жиноят кодексининг 205-модда 1-қисмида назарда тутилган жиноят бўйича айбдор деб топиб, 9 йил муддатга озодликдан маҳрум этди. Бунда у дастлабки 3 йилни қамоқхонада, олти йилини қаттиқ тартибли колонияда ўтайди”, — дейилади хабарда.
Тергов ва суднинг аниқлашича, 2021 йилнинг июль август ойларида Архangelsк вилоятида яшаган судланувчи халқаро террорчилик ташкилоти аъзосига икки маротаба пул ўтказмасини амалга оширган.
Эслатиб ўтамиз, 2022 йилда Тошкентдан туриб Суриядаги жангариларни молиялаштирган эркак 10 йилга озодликдан маҳрум этилганди. 2023 йил сентябрда эса Тошкент шаҳар ИИББ хориждан туриб ўзини диний уламо сифатида кўрсатиб, радикал ғояларни тарқатиб келаётган фуқаролардан огоҳ бўлишга чақирган эди.
Изоҳ (0)