АҚШнинг Гуантанамо қамоқхонасида сақланган “Толибон” ҳаракатининг икки нафар аъзоси озод қилинди. Бу ҳақда Hasht-e Subh Daily хабар берди.
“Толибон” Ички ишлар вазирлиги матбуот котиби Абдул Матин Кейннинг айтишича, икки маҳбус Гуантанамода 14 йил ва Уммонда етти йил уй қамоғида сақланганидан кейин озод этилган. Абдулзоҳир Собир ва Абдул Карим “Толибон” саъй-ҳаракатлари туфайли озод этилган. Улар Кобулда махсус кутиб олинган.
Маълумотларга кўра, “Толибон”нинг мазкур икки аъзоси 2003 йилда Гуантанамо қамоқхонасига кўчирилган ва бу қамоқхонада 14 йил ўтиргандан сўнг 2017 йилда Уммонга кўчирилган. Собир Логар вилоятида истиқомат қилади ва 2002 йил 10 майда АҚШ кучлари томонидан ҳибсга олинган ва ўша йилнинг октябрь ойида Гуантанамо қамоқхонасига ўтказилган. Абдул Карим эса Хост вилоятида истиқомат қилади ва 2002 йил 14 августда Покистонда ҳибсга олинган.
2002 йил 11 сентябрь терактлари ортидан АҚШ ҳукумати “Ал-Қоида” етакчиси Усама бин Ладенни ҳибсга олиш учун Кубада Гуантанамо қамоқхонасини ташкил қилган. Бу қамоқхонада 11 сентябрь куни Америкага қарши ҳужумларни содир этганликда айбланган юзлаб одамлар сақланарди.
“Толибон” Гунтанамодан Муҳаммад Раҳим исмли охирги афғон маҳбусини ҳам озод қилишга уринмоқда. У “Ал-Қоида” раҳбари Усама бин Ладеннинг собиқ ёрдамчиси ҳисобланади.
Изоҳ (0)