Америкаликлар 23 йил аввал, 2001 йилнинг февраль ойида “Шимолий альянс” етакчиси Аҳмад Шоҳ Масъудга Панжшерни сотишни таклиф қилган. Бу ҳақда манбаларга таяниб, афғонистонлик эксперт Андрей Серенко хабар берди.
Серенконинг сўзларига кўра, 2001 йилнинг февралида Афғонистоннинг Тахар вилоятида Аҳмад Шоҳ Масъуд ва Америка разведкасининг икки вакили ўртасида учрашув бўлиб ўтган.
“Америкаликлардан бири дари тилида мукаммал гапирган. Аҳмад Шоҳ Масъуд ва унинг энг яқин ҳамкорларига Панжшерни абадий тарк этиш эвазига ўзлари хоҳлаган ҳар қандай давлатда яшаш ва керакли миқдордаги пулни олиш таклиф этилган”, — деб эслайди Марказий разведка бошқармаси ходимлари.
Америкаликлар Масъуд ва унинг атрофидагиларнинг барча шартлари бажарилишига ваъда берган. Бироқ Масъуд бунга қаршилик қилган.
Манбанинг қайд этишича, Аҳмад Шоҳ Масъуд билан суҳбат чоғида америкаликлар Афғонистон шимолига ўша пайтда Покистонда бўлган чет элликлар орасидан бир неча мужоҳид гуруҳларини кўчириш зарурлиги ҳақида гапирган.
“Ўшанда ҳам, 23 йил аввал Марказий разведка бошқармаси Панжшер ва унга қўшни шимолий Афғонистон вилоятларини халқаро террорчилар учун янги базалар деб ҳисоблаган. Бу режалар (хорижий террорчиларни Панжшерга жойлаштириш) узоқ тарихга эга, камида 2001 йилнинг февралида бошланган”, — дейди манба экспертга.
Манбага кўра, Масъуднинг Панжшерни “сотишдан” бош тортгани унинг 2001 йил сентябрида “Ал-Қоида” жангарилари томонидан ўлдирилишига асосий сабаб бўлган бўлиши мумкин.
2001 йил февралида АҚШ разведкаси эмиссарлари билан учрашгандан сўнг кўп ўтмай Аҳмад Шоҳ Масъуд Россия томонини юқоридаги таклиф ҳақида хабардор қилган. Бироқ, ўшанда Москвадан ҳеч қандай муносабат бўлмаган.
Изоҳ (0)