Қозоғистон ҳарбийлари биринчи марта маҳаллий ишлаб чиқарилган дронларини синовдан ўтказди. Бу ҳақда Мудофаа вазирлиги хабар берди.
-HM51WMv6.jpg)
“Ҳаво ҳужумидан мудофаа кучлари базасининг ҳарбий қисмида Қозоғистон корхоналари вакиллари томонидан қуролли кучлар эҳтиёжлари учун махсус ишлаб чиқилган дронларнинг илк синовлари бўлиб ўтди... Мутахассисларга турли турдаги дронлар тақдим этилди. Дронлар махсус резина бандажни тортиш орқали катапультдан осмонга кўтарилган. У вертолёт каби вертикал равишда кўтарилиб, самолёт каби парвоз қилишда давом этди”, — дейилади хабарда.
-kv0RkLzO.jpg)
Барча дронлар замонавий видеокузатув ускуналари, датчиклар, масофа ўлчагичлар ва тепловизор билан жиҳозланган бўлиб, улардан фойдаланиш бюджет маблағларини сезиларли даражада тежайди ва уларни кейинги техник хизмат кўрсатиш ва модернизация қилиш масалаларини тезкорлик билан ҳал қилади, дея тушунтиради мамлакат Мудофаа вазирлиги.
“Бизда жуда самарали камералар, координатни аниқлаш функцияси, лазерли масофа ўлчагич ва ўқ-дориларни ташлаш тизими мавжуд. Бундай хусусиятлар артиллерияни нишонга йўналтириш имконини беради”, — дейди ишлаб чиқарувчи компания вакили Айбек Ахиш.
Қозоғистон президенти Қосим-Жўмарт Тўқаев томонидан белгилаб берилган республика мудофаа-саноат комплексини ривожлантириш доирасида ўзимизнинг дронларни яратиш бўйича ишлар олиб борилмоқда, дея эслатди мамлакат Мудофаа вазирлиги.
Изоҳ (0)