Туркия республикаси президенти ҳузуридаги Коммуникациялар бошқармаси Ўзбекистонда фаолият юритувчи ОАВ вакиллари учун Туркияга пресс-тур уюштирди.
Туркия республикасининг Қаҳрамонмараш вилояти губернатори Мукаррам Унлуэрнинг журналистлар саволларига жавоб беришича, вилоятда 2023 йилнинг 6 февраль кунидан 7 февраль кунига ўтар кечаси содир бўлган зилзиладан вайрон бўлган уйлар ўрнида 22 мингдан ортиқ хонадонлар қуриб берилади. Айни кунгача 8 мингта хонадон тайёр ҳолатга келтирилиб, аҳоли кўчиб кирган. Бу ҳақда пресс-турнинг Қаҳрамонмараш вилоятидаги дастури билан танишган “Дарё” журналисти хабар берди.
-6d7YcW-T.jpg)
Қаҳрамонмараш вилоятида аҳолига кўп қаватли уй қуриб бериш билан шуғулланаётган TOKI ташкилоти вакилларининг билдиришича, 20 та хонадондан иборат 5 қаватли битта уйни барпо этиш учун 66 минг доллар сарфланмоқда. Шунингдек, ушбу кўп қаватли уй, атрофидаги болалар ўйингоҳи, яшил ҳудуднинг барпо этилишига 10 ой кетган.
Ҳар бири тўрт хонадан иборат, жами ҳудуди 105 кв/метр бўлган уйлар аҳолига топширилгач, уларнинг қувончига сабаб бўлмоқда. Айни кунгача 8 минг хонадондан иборат худди шундай уйлар қурилган бўлса, йил якунига қадар бундай хонадонлар 22 мингдан ошиши режалаштирилган. Бу уйлар битгач, вақтинча яшаш ҳудудида истиқомат қилаётган юртдошларимиз ҳам ўз уйларига кўчиб ўтади, — дейди TOKI ташкилоти вакили Эзги Рейҳанлиўғлу.
-ER8rNuN_.jpg)
Қаҳрамонмараш вилояти губернатори Мукаррам Унлуэр иштирокидаги матбуот анжуманида таъкидланишича, 2023 йилнинг февраль ойида содир бўлган зилзила оқибатида вилоятдаги мавжуд биноларнинг 53 минг 945 таси зарарланган. Жумладан, 7 минг 491 таси вайрон бўлган. 4434 таси зудлик билан бузиб ташланган. 6048 таси ўрта даражада шикастланган. 35 972 таси эса жиддий зарарланган.
-u7FURqns.jpg)
Бундан ташқари, ҳудудда суд қарорини кутаётган 3661 та бузилиши лозим бўлган бинолар мавжуд.
Қўшимча қилинишича, вилоят марказида зилзила оқибатида уйсиз қолганлар учун 68 минг 962 та, қишлоқ маҳаллаларида эса 66 та контейнер ўрнатилган.
Изоҳ (0)