Ўзбекистонлик MMA жангчиси Нурсултон Рўзибоев (30-8-2) ўзининг навбатдаги жангини 11 март, пайшанба куни Баҳрайнда ўтказди.
Нурсултон Brave CF 47 мусобақаси доирасида франциялик Иброҳим Манега қарши (8-4) октагонга чиқди. Ўзбекистонлик спортчи 1-раунддаёқ рақибини таслим этиб, муддатидан аввал ғалабани қўлга киритди.
Қайд этиш жоиз, бу Нурсултон учун MMA’даги фаолияти давомида қўлга киритилган 30-ғалаба бўлди. Шунингдек, спортчи Brave CF промоушени байроғи остида илк бор жанг қилди.
Эслатиб ўтамиз, Нурсултон Рўзибоев 2021 йил февралида штаб-квартираси Баҳрайнда жойлашган Brave CF промоушени билан шартнома имзолаганди.
Жанг видеосини бу ерда томоша қилиш мумкин — видео.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)