Украинада Туркиянинг Bayraktar дронларини ишлаб чиқарадиган завод қурилиши бошланди. Туркиянинг Baykar компанияси Украинада Bayraktar дронларини ишлаб чиқарадиган завод қуришни бошлади. Бу ҳақда компания бош директори Халук Bayraktar Reutersъга берган интервьюсида маълум қилди.
“Қурилишни якунлаш учун тахминан 12 ой вақт керак, кейин эса ички жараёнларга, яъни жиҳозлаш ва ташкилий қисмга ўтамиз. Украинадаги завод катта, биз 500 га яқин одамни ишга ёллашни режалаштирмоқдамиз”, — дея тушунтирди Халук Bayraktar.
Унинг таъкидлашича, корхона йилига тахминан 120 та Bayraktar дронини ишлаб чиқаради. Бу ТB2 ёки ТB3 моделлари бўлиши ҳали аниқ эмас. Reuters заводда хавфсизлик билан боғлиқ муаммолар ҳақида сўраганида, Baykar бош директори “режалар тўлиқ амалга оширилмоқда ва буни ҳеч нарса тўхтата олмайди” деди.
“Baykar компанияси ТB2 етказиб бериш бўйича 30 та давлат, жумладан, Украина, Эфиопия, Ливия ва Озарбайжон билан экспорт шартномаларини имзолаган”, — дейилади хабарда.
2023 йил сентябрь ойида Bayraktar Украинадаги учта лойиҳага тахминан 100 миллион доллар сармоя киритишини эълон қилди. Гап завод қуриш, хизмат кўрсатиш маркази ва компаниянинг ушбу мамлакатдаги бош офисини таъминлаш ҳақида кетган. Шунингдек, Халук Bayraktar корхонани 2025 йилда ишга туширишга ваъда берган эди.
Россия муносабати
Россия президентининг матбуот котиби Дмитрий Песковнинг таъкидлашича, “Bayraktar” ишлаб чиқарадиган завод қурилиши “демилитаризация мавзусига тўғри келади” ва “фақат украиналикларнинг азобини узайтиради”. Шу билан бирга, Песков бундай корхонанинг мавжудлиги Москванинг уруш мақсадларига эришишига тўсқинлик қилмаслигини айтганди.
Изоҳ (0)