Ғарбий Африка мамлакатлари иқтисодий ҳамжамияти (ECОVАS) Сенегалдаги президентлик сайловлари қолдирилишидан хавотир билдирди. Бу ҳақда Deutsche Welle хабар берди.
Ташкилот Сенегал сиёсий ҳамжамиятини сайловларни шаффоф ўтказиш учун ҳамкорликка эътибор қаратишга чақирди.
“ECОVАS комиссияси сайловларнинг қолдирилишига олиб келган ҳолатлардан хавотир билдиради ва ваколатли органларни сайловларнинг янги санасини белгилаш учун турли жараёнларни тезлаштиришга чақиради”, — дейилади ҳамжамият баёнотида.
Сайловлар уч ҳафтадан камроқ вақт ичида бўлиб ўтиши керак эди. Аммо бир неча номзоднинг дисквалификацияси билан боғлиқ можаро Ғарбий Африканинг энг барқарор демократик давлатларидан бирида катта сиёсий инқирозга сабаб бўлди.
Сенегал президенти Макки Салл 3 февраль куни президентлик сайловлари номаълум муддатга қолдирилишини эълон қилди, бу Ғарбий Африка мамлакатининг миллий овоз беришни кечиктирган биринчи ҳолатдир.
Қарор Миллий Ассамблея ва Конституциявий суд ўртасидаги баъзи номзодларнинг рад этилгани бўйича келишмовчиликдан сўнг қабул қилинган. Кечикиш расмий сайлов компанияси бошланишидан бир неча соат олдин содир бўлган, овоз беришга уч ҳафтадан сал камроқ вақт қолган.
Изоҳ (0)