Пентагон Буркина-Фасо, Эритрея, Эфиопия, Мали, Нигер ва Судан ҳарбийлари билан қўшма машғулотлар ўтказишдан бош тортди. Бу ҳақда Тhе Washington Post хабар берди.
Ҳарбий машғулотларни бекор қилиш сабабига аниқлик киритилмаган. 2023 йил 20 декабрда машғулотлар режада бўлган. Пентагон Конгрессга ўқув машғулотларини октябрь ойида ўтказиш ниятини кўрсатувчи ҳужжатларни тақдим этган.
WP маълумотларига кўра, бу мақсадлар учун миллионлаб доллар сарфлаш режалаштирилган эди. АҚШ қонунчилиги демократик ҳукумат ағдарилган ёки инсон ҳуқуқлари бузилиши ҳолатлари кузатилган мамлакатларга хавфсизлик ёрдамини кўрсатишни тақиқлайди.
Машғулотлардан бош тортиш демократларнинг танқиди билан боғлиқ бўлиши мумкин. Шу тариқа, конгрессменлар Бен Кардин ва Элизабет Уоррен ўтган ҳафта Пентагон раҳбари Ллойд Остиндан ҳарбий тўнтариш содир бўлган давлатлар АҚШ билан қўшма машғулотларда қатнашмасликни талаб қилган.
Изоҳ (0)