Тошкентда ойнинг бир иш куни давомида автомобиллар ҳаракатланишини қисқартиришга қаратилган “Автомобилсиз кун” жамоатчилик лойиҳаси амалга оширилиши кутилмоқда.
Бу ҳақда “Ўзбекистон – 2030” стратегиясини “Ёшлар ва бизнесни қўллаб-қувватлаш” йилида амалга ошириш бўйича давлат дастурига оид президент фармони лойиҳасида келтирилган.
Унда айтишича, бу лойиҳа кенг жамоатчилик вакиллари ва экофаоллар таклифи бўлиб, автомобиллардан чиқинди газлар таъсирини камайтириш мақсад қилинган.
Бунда биноси Тошкент шаҳрида жойлашган барча республика ва ҳудудий ижро этувчи органларининг раҳбар ходимлари ва ходимлари жамоат транспортида иш жойига келиши орқали аҳолига намуна кўрсатиб бориши лозим.
Ушбу ҳужжат лойиҳаси муҳокамаси 14 февралгача давом этади.
Изоҳ (0)