Тимур Исмоилов Сурхондарё вилояти ички ишлар бошқармаси бошлиғи этиб тайинланди. Бу ҳақда вилоят ҳокимлиги матбуот хизмати раҳбари хабар берди.
Янги тайинлов 31 январь куни Ички ишлар вазири Пўлат Бобожонов ва Сурхондарё вилояти ҳокими Улуғбек Қосимов раҳбарлигида вилоят, шаҳар ва туманлар секторлари, ҳуқуқни муҳофаза қилувчи ҳамда бошқа ташкилотлар раҳбарлари иштирокидаги тезкор йиғилишда эълон қилинди.
Тимур Исмоилов 1983 йил Қорақалпоғистон Республикаси Тўрткўл туманида туғилган. Тайинловга қадар Ички ишлар вазирлиги Терроризм ва экстремизмга қарши курашиш бош бошқармаси бошлиғи лавозимида фаолият юритган.
Вилоят Ички ишлар бошқармасининг аввалги бошлиғи полковник Абдувохид Исмоилов 30 январь куни Қашқадарё вилояти Ички ишлар бошқармаси бошлиғи этиб тайинланганди.
Изоҳ (0)