Tesla ва SpaceX асосчиси Илон Маск Остинда (Техас шатати) университет очишни режалаштирмоқда, деб хабар берди Bloomberg тадбиркорнинг Тҳе Foundation хайрия ташкилоти солиқ декларациясига таяниб.
Маск 2022 йил октябрь ойида АҚШ Ички даромад хизматига ариза топширган ва у 2023 йил мартида маъқулланган. Ҳужжатга кўра, дастлаб мактаб очилади, унда таълим STEM тизимига – табиий фанлар ва муҳандислик фанларини ягона тизимда бирлаштирган модель — йўналтирилади.
Кейинчалик у тажрибали ўқитувчиларга эга университетга айланади ва анъанавий ўқув дастурини амалий тарзда ўрганиш, жумладан симуляция, амалий тадқиқотлар ва ишлаб чиқариш ёки дизайн лойиҳалари билан тўлдиради.
Остинда Техас университетининг асосий кампуси, йирик илмий тадқиқот маркази жойлашган.
Аввал The Wall Street Journal Илон Маск Остин шаҳри яқинидаги янги сотиб олинган яйловларда утопик шаҳар қуришни режалаштираётгани ҳақида хабар берганди.
Изоҳ (0)