“Фарғона сув таъминот” МЧЖ назоратчисини ҳақорат қилган шахсга чора кўрилди, деб хабар беради Фарғона вилояти ИИБ ахборот хизмати.
Маълум қилинишича, 25 январь куни “Фарғона сув таъминот” МЧЖ Қувасой шаҳар филиали назоратчи ходими Б.С. (аёл) “Чўлпон” МФЙ Кўктерак кўчаси 37-уйнинг ичимлик сувидан муддати ўтган қарздорликни унидирш учун борган. Шу уйда яшовчи 35 ёшли А.Г уни жамоат жойида ҳақорат қилиб, жамиятда юриш-туриш қоидаларини бузган.
Мазкур ҳолат юзасидан шаҳар ИИБ томонидан А.Г.га нисбатан Маъмурий жавобгарлик тўғрисидаги кодекснинг 183-моддасига (Майда безорилик) асосан маъмурий ҳужжатлар расмийлаштирилган ва қонуний қарор қабул қилиш учун жиноят ишлари бўйича Қувасой шаҳар судига юборилган.
Суд фуқаро А.Г. нисбатан юқоридаги моддага асосан 10 сутка маъмурий қамоқ жазоси тайинлаган.
Аввалроқ Қашқадарёда йўлдан ўтиб кетаётган ЙПХ ходимларини ҳақоратлаган тўрт эркак 10 суткага қамалгани тўғрисида хабар берилганди.
Изоҳ (0)