“Farg‘ona suv taʼminot” MCHJ nazoratchisini haqorat qilgan shaxsga chora ko‘rildi, deb xabar beradi Farg‘ona viloyati IIB axborot xizmati.
Ma’lum qilinishicha, 25-yanvar kuni “Farg‘ona suv taʼminot” MCHJ Quvasoy shahar filiali nazoratchi xodimi B.S. (ayol) “Cho‘lpon” MFY Ko‘kterak ko‘chasi 37-uyning ichimlik suvidan muddati o‘tgan qarzdorlikni unidirsh uchun borgan. Shu uyda yashovchi 35 yoshli A.G uni jamoat joyida haqorat qilib, jamiyatda yurish-turish qoidalarini buzgan.
Mazkur holat yuzasidan shahar IIB tomonidan A.G.ga nisbatan Ma’muriy javobgarlik to‘g‘risidagi kodeksning 183-moddasiga (Mayda bezorilik) asosan maʼmuriy hujjatlar rasmiylashtirilgan va qonuniy qaror qabul qilish uchun jinoyat ishlari bo‘yicha Quvasoy shahar sudiga yuborilgan.
Sud fuqaro A.G. nisbatan yuqoridagi moddaga asosan 10 sutka maʼmuriy qamoq jazosi tayinlagan.
Avvalroq Qashqadaryoda yo‘ldan o‘tib ketayotgan YPX xodimlarini haqoratlagan to‘rt erkak 10 sutkaga qamalgani to‘g‘risida xabar berilgandi.
Izoh (0)