Европада хавфсизлик ва ҳамкорлик ташкилоти раиси, Малта ташқи ишлар вазири Ян Боргнинг айтишича, ташкилотга аъзо давлатларни чиқариб юбориш механизмлари йўқ.
У Россия ташкилотдан чиқариб юборилиши мумкинлиги ҳақидаги саволга жавоб берар экан, бу ишни амалга ошириб бўлмаслигини таъкидлаган.
“Бу ташкилотнинг ўз қоидалари бор, аъзо давлатларни чиқариб юбориш механизмлари йўқ”, — деди Борг.
2023 йилнинг 1 декабрида Европада хавфсизлик ва ҳамкорлик ташкилотининг ўша пайтдаги раиси, Шимолий Македония ташқи ишлар вазири Бужар Усмоний Россиянинг ташкилотдан чиқарилиши ҳақидаги мунозаралар тугаганини айтганди. Унинг сўзларига кўра, ЙХҲТда қарама-қарши фикрлар билдирувчи давлатлар ўртасида мулоқотни давом эттириш керак.
Усмонийнинг сўзларига кўра, Россияни ЙХҲТдан чиқариш ҳақидаги мунозара мамлакат ташкилотнинг асосий тамойилини (Украина ҳудудига қўшин киритиш) бузгани сабабли бошланган. Хусусан, “консенсус минус бир” тамойилидан фойдаланиш таклиф этилган.
ЙХҲТ бундан олдин фақат бир марта ушбу тамойилдан фойдаланган: 1992 йилда Югославия ҳарбий ҳаракатлар пайтида инсон ҳуқуқларини оммавий равишда бузгани учун ташкилотдан чиқариб юборилган.
Изоҳ (0)