Суратга олиш ишлари, кесиб ташланган саҳналар, шунингдек, севимли актёрларнинг гонорарлари сериал мухлисларини доим ҳаяжонга солади. Айниқса, улар жуда махфий маълумотлар бўлгани учун. Аммо ким ҳам баъзи сирларни билишни хоҳламайди дейсиз?
Педро Паскаль — “Бизлардан сўнггимиз” (2023 йилдан ҳозирги кунгача)
Машҳур компьютер ўйинига асосланган сериал томошабинлар ва танқидчилар томонидан жуда юқори баҳоланди. Унда бош қаҳрамон ролини ижро этган Педро Паскаль эса яхшигина гонорар олди. Унга ҳар бир эпизод учун 600 минг доллар тўланган.
Элизабет Олсен — “Севги ва ўлим” (2023)
“Севги ва ўлим” сериалининг 7 та қисмида Элизабет Олсен мўмайгина пул ишлаб олишга муваффақ бўлди. Ахир бир эпизод учун унга 875 минг доллар тўланган.
Жейсон Судейкис — “Тед Лассо” (2020-2023)
“Тед Лассо”нинг биринчи мавсумида актёр ҳар бир эпизод учун тахминан 400 минг доллар олган. Учинчи мавсумда эса кинокомпания унинг гонорарини яна оширди. Ва Судейкис ҳар бир эпизод учун тахминан 1 000 000 долларга ишлай бошлади.
Наташа Лионн — “Қиморбоз” (2023 йилдан ҳозирги кунгача)
Наташа Лионн “Қиморбоз” телесериалидаги бош роли учун яхшигина пул олди. Актриса иштирокидаги ҳар бир эпизод ижодкорларга 500 минг долларга тушди.
Кейли Куоко – “Катта портлаш назарияси” (2007-2019)
Кейли Куоко ва сериалнинг бош қаҳрамонларини ўйнаган тўрт киши ҳар бир эпизод учун умумий 1 000 000 доллар гонорар олган. Аммо ўтган мавсумга келиб уларнинг маоши 425 минг долларга кўтарилди.
Кевин Костнер – “Йеллоустоун” (2018 йилдан ҳозирги кунгача)
Variety маълумотларига кўра, Кевин Костнер 2022 йил рекордчисига айланди, у сериалда бош ролни ижро этган ҳар бир эпизод учун 1 300 000 доллар ишлаб топди.
Эллен Помпео — “Қўрқув анатомияси” (2005 йилдан ҳозирги кунгача)
Қарийб 20 йилдан бери намойиш этилаётган сериалнинг энг кўп маош олувчи актрисаси Эллен Помпео ҳисобланади. Унинг иштирокидаги ҳар бир эпизод ижодкорларга 575 000 долларга тушади. Унинг ҳамкасби Патрик Демпси ҳар бир эпизод учун 400 минг доллар олган. Бошқа актёрларнинг гонорарлари анча кам.
Антонио Бандерас — “Даҳо” (2017 йилдан ҳозирги кунгача)
Сериалнинг ҳар бир фасли инсониятнинг энг буюк даҳоларининг ҳаёти ҳақида ҳикоя қилади. Шундай қилиб, биринчи мавсумда томошабинлар Алберт Эйнштейн, иккинчисида — Пабло Пикассо ва учинчисида — Арета Франклиннинг ҳаёти ҳақида билиб олиши мумкин.
Машҳур испаниялик рассомни маҳоратли испан актёри Антонио Бандерас ижро этган. У ҳар бир эпизод учун 200 000 доллар гонорар олди.
Николь Кидман — “Катта-кичик ёлғон” (2017-2019)
Сериалда асосий роллардан бирини ўйнаган Никол Кидман ўз иштирокидаги ҳар бир эпизод учун 350 минг доллар олган.
Женсен Эклс — “Ғайритабиий” (2005-2020)
Актёр Дин Винчестер ролидаги ҳар бир эпизод учун 175 000 доллар олгани айтилади. Тахминларга кўра, унинг “экрандаги акаси” Жаред Падалеки 125 000 доллардан сал камроқ пул олган.
Изоҳ (0)