Эрон илк бор Исроилга баллистик ракеталар билан тўғридан-тўғри ҳужум қила олишини исботлади. Бу ҳақда Bild таҳлилчиси Юлиан Рёпке хабар берди.
16 январга ўтар кечаси Эрон Ироқ Курдистонидаги Эрбил шаҳрига 11 та баллистик ракета ва Суриянинг Идлиб шаҳрига яна тўртта каллак учирди. Теҳрон Ироқдаги Моссад базасини ва Суриядаги ИШИД террорчиларини йўқ қилганини даъво қилмоқда.
Дарҳақиқат, Эрбилда нуфузли курд тадбиркорнинг оиласи, Идлибда эса “Ал-Қоида”га алоқадор жангарилар ўлдирилган, — дейди Юлиан Рёпке.
У Эрон мазкур ҳужумда биринчи марта энг сўнгги “Хайбар шекан” стратегик ракеталаридан фойдаланганини айтди. Уларнинг парвоз масофаси 1450 километрни ташкил қилади. Бундан ракеталар бутун Ироқ ва Сурия орқали Идлибгача 1200 километрдан ортиқ масофани учиб ўтган. Бу Теҳроннинг тарихдаги энг узоқ ракета зарбаси ҳисобланади. Эроннинг ғарбий чегарасидан Тель-Авивгача бўлган масофа тахминан 1000 километрни ташкил қилади.
Рёпкенинг таъкидлашича, Эрон биринчи марта Исроилга тўғридан-тўғри ҳужум қила олишини очиқ кўрсатмоқда. Bild билан суҳбатлашган экспертлар фикрича, Теҳрон ҳозирча фақат “тишларини кўрсатмоқда” ва Исроилга зарба беришга “журъат эта олмайди”, балки АҚШни минтақадан, биринчи навбатда, Ироқ ва Суриядан сиқиб чиқаришга ҳаракат қилади.
Изоҳ (0)