Eron ilk bor Isroilga ballistik raketalar bilan to‘g‘ridan-to‘g‘ri hujum qila olishini isbotladi. Bu haqda Bild tahlilchisi Yulian Ryopke xabar berdi.
16-yanvarga o‘tar kechasi Eron Iroq Kurdistonidagi Erbil shahriga 11 ta ballistik raketa va Suriyaning Idlib shahriga yana to‘rtta kallak uchirdi. Tehron Iroqdagi Mossad bazasini va Suriyadagi ISHID terrorchilarini yo‘q qilganini da’vo qilmoqda.
Darhaqiqat, Erbilda nufuzli kurd tadbirkorning oilasi, Idlibda esa “Al-Qoida”ga aloqador jangarilar o‘ldirilgan, — deydi Yulian Ryopke.
U Eron mazkur hujumda birinchi marta eng so‘nggi “Xaybar shekan” strategik raketalaridan foydalanganini aytdi. Ularning parvoz masofasi 1450 kilometrni tashkil qiladi. Bundan raketalar butun Iroq va Suriya orqali Idlibgacha 1200 kilometrdan ortiq masofani uchib o‘tgan. Bu Tehronning tarixdagi eng uzoq raketa zarbasi hisoblanadi. Eronning g‘arbiy chegarasidan Tel-Avivgacha bo‘lgan masofa taxminan 1000 kilometrni tashkil qiladi.
Ryopkening ta’kidlashicha, Eron birinchi marta Isroilga to‘g‘ridan-to‘g‘ri hujum qila olishini ochiq ko‘rsatmoqda. Bild bilan suhbatlashgan ekspertlar fikricha, Tehron hozircha faqat “tishlarini ko‘rsatmoqda” va Isroilga zarba berishga “jur’at eta olmaydi”, balki AQSHni mintaqadan, birinchi navbatda, Iroq va Suriyadan siqib chiqarishga harakat qiladi.
Izoh (0)