Европа Иттифоқи давлатлари Қизил денгиздаги кемалар хавфсизлигини таъминлаш учун денгиз миссиясини тузишни маъқуллади. Бу ҳақда Reuters агентлиги манбаларга таяниб хабар берди.
Ушбу миссия 19 февралдан кечиктирмай тузилиши режалаштирилган. У савдо кемаларини ҳусийларнинг ҳужумларидан ҳимоя қилувчи бошқа давлатлар билан ҳамжиҳатликда ишлайди.
Ғазо секторидаги можаро авж олгандан сўнг ҳусийлар Исроил ҳудудига ҳужумлар уюштиришларини ва Фаластиндаги операция якунланмагунча, улар билан боғлиқ кемаларнинг Қизил денгиз ҳамда Баб ал-Мандеб бўғози сувлари орқали ўтишига рухсат бермасликларини маълум қилишди.
АҚШ Марказий қўмондонлиги ҳисоб-китобларига кўра, ҳусийлар ўтган йилнинг ноябрь ойи ўрталаридан бери Қизил денгизда 20 дан ортиқ тинч аҳоли кемаларига ҳужум қилган.
Аввалроқ АҚШ ва Буюк Британия ҳарбийлари Яманнинг Ал-Байда провинциясидаги ҳусийлар позицияларига янги ҳаво ҳужумларини амалга оширгани хабар берилганди.
Изоҳ (0)