Украина президенти Владимир Зеленский Давосдаги Жаҳон иқтисодий форумидаги нутқи чоғида Ғарбнинг Украинадаги можаронинг кучайиши ҳақидаги хавотирлари Киевнинг урушда вақтни беҳуда йўқотишига олиб келганини айтди. Унинг сўзларидан Reuters иқтибос келтирмоқда.
Зеленский шунингдек, Ғарб бирдамлик кўрсатиши кераклигини айтди ва Россия можарода устунликни қўлга киритмаслиги учун Украинани кўпроқ қўллаб-қувватлашга чақирди.
Бугун 16 январь куни АҚШ давлат котиби Энтони Блинкен Давосдаги Жаҳон иқтисодий форумида Украина етакчиси Владимир Зеленскийга Вашингтон ҳозирги молиявий муаммоларга қарамай, Киевни қўллаб-қувватлашда давом этишига ваъда берди.
Бундан олдин Зеленскийнинг идораси раҳбари Андрей Эрмак АҚШ президентиннинг миллий хавфсизлик бўйича маслаҳатчиси Жейк Салливан билан доимий алоқада бўлиб туришини айтди. Эрмакнинг қайд этишича, Давосда Салливан билан учрашувда томонлар фронтдаги вазият ва мамлакатнинг мудофаа эҳтиёжларини муҳокама қилган.
Изоҳ (0)