АҚШ ва Буюк Британия ҳарбийлари Яманнинг Ал-Байда провинциясидаги ҳусийлар позицияларига янги ҳаво ҳужумларини амалга оширди. Бу ҳақда маҳаллий ҳокимиятдаги манбага таяниб, “РИА Новости” хабар берди.
АҚШ ва Буюк Британия 16 январь куни Яман пойтахти Сано жануби-шарқидаги Ал-Байда провинциясидаги казармаларга зарба берди. Америка ва Британия самолётлари Муқайрас округидаги ҳарбий лагерда жойлашган “Ансор Аллоҳ” объектларини бомбардимон қилди, — дейди манба.
Таъкидланишича, Ат-Таффа қалъаси ҳудуди ва Ас-Савмаа туманидаги объектлар ҳам нишонга олинган.
Яманга зарбалар
Ноябрь ойи ўрталарида Яманнинг шимолини бошқараётган “Ансор Аллоҳ” (ҳусийлар) Ғазо секторидаги фаластинликларни қўллаб-қувватлаш мақсадида Қизил денгиздаги Исроил билан боғлиқ кемаларга ҳужум қила бошлади, бунинг натижасида Сувайш канали орқали юк ташиш кескин камайиб кетди.
Ўз навбатида, АҚШ бошқа давлатлар билан бирга кемаларни ҳимоя қилиш бўйича операция бошланганини эълон қилди. “Ансор Аллоҳ” ушбу коалиция аъзоларининг кемаларига ҳужум қилиш ҳуқуқини ўзида сақлаб қолиши ҳақида огоҳлантирди.
12 январь куни АҚШ ва Буюк Британия Яманнинг тўрт провинциясидаги нишонларга ҳаводан зарбалар бериб, “Ансор Аллоҳ” ҳаракатига қарши операция бошлади. АҚШ президенти Жо Байден ҳарбий ҳаракатларни давом эттириш имкониятини инкор этмади.
Ҳусийларнинг айтишича, жавоб зарбалари натижасида Қизил денгизда АҚШ ҳарбий кемасини чўктиришга муваффақ бўлишган.
Изоҳ (0)