Тошкент вилояти Бўка туманининг ҳокими Низомиддин Аббосов соғлиғи ёмонлашгани туфайли ўз аризасига биноан лавозимидан озод этилди. Бу ҳақда ЎзА хабар берди.
Вилоят ҳокимлигининг маълум қилишича, Бегматов Бахтиёр Пахриддинович Халқ депутатлари Бўка тумани кенгашининг қарори билан туман ҳокими этиб тайинланди. Бахтиёр Бегматов 1976 йили Тошкент вилояти Паркент туманида туғилган. Маълумоти — олий, 1998 йил Тошкент давлат иқтисодиёт университети, 2001 йил Президент ҳузуридаги давлат ва жамият қурилиши академиясини тамомлаган.
У фаолияти давомида Нурафшон шаҳар ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари, Тошкент вилояти Маҳалла ва нуронийларни қўллаб-қувватлаш бошқармаси бошлиғи лавозимларида ишлаган.
Тайинловга қадар у Тошкент вилояти Камбағалликни қисқартириш ва бандлик бош бошқармаси бошлиғи ўринбосари — маҳаллабай ишлаш ва тадбиркорликни ривожлантириш бошқармаси бошлиғи лавозимида ишлаб келаётган эди.
Изоҳ (0)