Birlashgan Millatlar Tashkiloti (BMT) Afg‘onistonda giyohvand moddalardan tushgan daromad 92 foizga kamayganini ma’lum qildi. Bu haqda Tasnim News xabar berdi.
![](/static/2024/01/16/photo_2024-01-16_18-03-19-mUthg1Ov.jpg)
BMTning Afg‘onistondagi Narkotiklar va jinoyatchilik boshqarmasi hisobotida mamlakatda ko‘knori yetishtirish 2023-yilda 95 foizga kamaygani ko‘rsatilgan. Giyohvand modda yetishtirishning kamayishi ko‘plab fermerlar daromadini yo‘qotishini anglatadi.
“Muqobil dehqonchilik va ularning tirikchiligini qo‘llab-quvvatlash kerak”, — deyiladi xabarda.
2023-yilda afg‘on fermerlarining afyun sotishdan tushgan daromadi 92 foizga kamayib, 110 million dollarni tashkil qilgan, 2022-yilda bu 1360 million dollar edi. 2023-yilgacha Afg‘onistondan giyohvand moddalar eksporti qiymati ushbu mamlakatning qonuniy tovarlar eksporti qiymatidan oshib ketgan.