“Толибон” Ички ишлар вазирлигининг наркотикларга қарши кураш бўйича ўринбосари Абдулҳақ Охунднинг айтишича, 2023 йилнинг дастлабки олти ойида гиёҳванд моддалар савдосида айбланиб, 4 000 га яқин одам ҳибсга олинди.
“Толибон” вакилининг қўшимча қилишича, бу даврда бутун мамлакат бўйлаб 600 дан ортиқ йирик ва кичик наша заводлари йўқ қилинган.
ИИВ Наркотикларга қарши курашиш бошқармаси маълумотларига кўра, сўнгги бир йилда қарийб 13 минг гектар майдон кўкноридан тозаланган.
“Толибон” кўкнори етиштириш ва сотишни тақиқлаганидан сўнг, Афғонистонда метамфетамин ишлаб чиқариш кескин ошгани хабар берилганди. “Толибон” расмийлари бундай хабарларни рад этиб, уларни “асоссиз айбловлар” деб атаган. Мамлакат Ички ишлар вазирлиги вакилининг айтишича, улар наркотикларга қарши “жиддий” кураш олиб бормоқда.
БМТ маълумотларига кўра, Афғонистонда метамфетамин мамлакатда мавжуд ўсимликлардан камроқ ишлаб чиқарилади ва кўпроқ шамоллашни даволовчи препаратлардан синтез қилинади.
Изоҳ (0)