Бирлашган Миллатлар Ташкилотининг Афғонистондаги гуманитар ёрдамни мувофиқлаштириш бошқармаси (OCHA) маълум қилишича, мамлакат оналар ва болалар ўлими бўйича дунёда биринчи ўринда туради.
Ташкилот Афғонистонда ҳар 100 минг чақалоқдан 699 нафари вафот этишини маълум қилди ва бу дунё бўйлаб энг кўп гўдаклар ўлими эканини қайд этди.
ОCHА баёнотида айтилишича, “Толибон” Афғонистон устидан назоратни қайта тиклаганидан кейин ушбу рақам ортган.
Аввалроқ Жаҳон озиқ-овқат ташкилоти маблағ етишмаслиги туфайли Афғонистонга ёрдамини қисқартираётгани хабар қилинганди. Молиявий муаммолар сабаб Жаҳон озиқ-овқат дастури ҳар беш нафар эҳтиёжманд афғондан фақат биттасига ёрдам кўрсата олишини маълум қилди.
Экспертларнинг таъкидлашича, очлик афғон аҳолисини пул ва озиқ-овқат топишнинг муқобил йўлларини излашга мажбур қилади, булардан энг тез ва осони — жиноят, яъни гиёҳванд моддалар савдоси, талончилик ва терроризмдир. Ушбу сценарий экстремистик кайфиятнинг кучайиши учун қулай замин яратади, бу эса кейинчалик Афғонистонга қўшни давлатлар, Хитойдан тортиб Марказий Осиёгача бўлган мамлакатларда вазиятнинг кескинлашувига олиб келади.
Изоҳ (0)