“Толибон” кўкнори етиштириш ва сотишни тақиқлаганидан сўнг, мамлакатда метамфетамин ишлаб чиқариш кескин ошди. Бу ҳақда Бирлашган Миллатлар Ташкилотига таяниб, Deutsche Welle хабар берди.
Маълум қилинишича, Афғонистон ва қўшни мамлакатларда гиёҳванд моддалар рейдлари чоғида қўлга киритилган метамфетамин миқдори 12 бараварга ошган — 2017 йилдаги 2,5 тоннадан 2021 йилда 29,7 тоннагача. Экспертлар бу ўсишни Афғонистонда синтетик гиёҳванд моддалар ишлаб чиқаришнинг кенгайиши билан изоҳлайди.
“Толибон” расмийлари БМТ даъволарини рад этиб, уларни “асоссиз айбловлар” деб атади. Мамлакат Ички ишлар вазирлиги вакилининг айтишича, улар наркотикларга қарши “жиддий” кураш олиб бормоқда.
БМТ маълумотларига кўра, Афғонистонда метамфетамин мамлакатда мавжуд ўсимликлардан камроқ ишлаб чиқарилади ва кўпроқ шамоллашни даволовчи препаратлардан синтез қилинади.
Изоҳ (0)