Испания грипп ва коронавирус билан касалланиш ҳолатлари кўпайгани сабабли 10 январдан бошлаб шифохоналарда ниқоб режимига қайтди.
AFP маълумотларига кўра, янги тартиб бутун Испания бўйлаб тиббиёт ходимлари ва касалхоналарга ташриф буюрувчилар учун амал қилади.
“Бироқ бу талаб хусусий клиникалар, дорихоналар ва стоматологларга тааллуқли эмас. Улар ўз хоҳишига кўра ниқоб тақиши мумкин”, — деди Соғлиқни сақлаш вазири Моника Гарсия.
Таъкидланишича, янги чоралар икки ҳафта давом этади. Беморлар сони сезиларли даражада камайишни бошлаганидан кейин ниқоб режими бекор қилинади.
Аввалроқ Жаҳон соғлиқни сақлаш ташкилоти COVID-19 инфекциясини юқтирмаслик учун ниқоб тақиш ва ижтимоий масофани сақлашга қайтишни маслаҳат берганди.
“COVID-19, грипп ва бошқа патогенлар келтириб чиқарадиган нафас йўллари касалликлари кўплаб мамлакатларда бир неча ҳафта давомида ўсиб бормоқда ва сўнгги байрамлардан кейин ҳам давом этиши кутилмоқда”, — дейилади ташкилот раҳбарининг постида.
Изоҳ (0)