Бразилиянинг Баия штатида сайёҳлар автобуси ва юк машинаси тўқнашиб кетди, деб хабар бермоқда “ТАСС”.
Йўл-транспорт ҳодисасида камида 25 киши, жумладан, болалар ва ҳомиладор аёллар ҳалок бўлган.
“Юк машинасида кетаётган уч киши ва автобусда бўлган 22 киши ҳалок бўлган. Яна беш киши жароҳат олган”, — дейилади хабарда.
Мутахассислар ҳодиса сабабларини ҳали аниқлай олмади. Маҳаллий ҳокимият уч кунлик мотам эълон қилди.
Аввалроқ Россиянинг Новгород вилоятидаги М-11 “Нева” трассасида 50 га яқин автомобиль иштирокида йўл-транспорт ҳодисаси содир бўлганди. Ҳодиса оқибатида 4 киши, жумладан, 2 ёшли бола ҳалок бўлган.
Изоҳ (0)