Италиянинг Венеция провинциясида йўловчи автобуси ҳалокатга учраши оқибатида камида 21 киши ҳалок бўлди, яна 40 киши жароҳат олди, деб хабар бермоқда Ansa ахборот агентлиги.
Воқеа 3-октябр куни кечқурун Венециянинг материк кварталидаги Местре шаҳрида содир бўлган. Автобус йўл ўтказгич бўйлаб ҳаракатланаётганда, панжарани бузиб ўтиб, ўн метр баландликдан темирйўл рельслари ёнига қулаган — қулаш давомида темирйўл устида тортилган электр симларга урилган.
Аnsа маълумотларига кўра, автобус метанда ҳаракатланган, шунинг учун у зарбадан сўнг дарҳол ёниб кетган.
Автобус сайёҳларни Венециядан Маргерадаги лагерга олиб кетаётганди.
Ҳодиса туфайли Местре ва Венеция ўртасидаги поездлар ҳаракати тўхтатилди.
Шаҳар мери Луижи Бруняро воқеани катта фожиа деб атади ва шаҳарда мотам эълон қилди. Италия президенти ва бош вазири Сержио Маттарелла ва Жоржа Мелони ҳамдардлик билдирди.
Изоҳ (0)