Хитой пойтахти Пекинда ёмон об-ҳаво туфайли икки ерусти метро поезди тўқнашиб кетди, деб ёзмоқда “Интерфакс”.
Ҳодиса 14 декабрь куни Чанпин линиясида содир бўлган. Йўл сирпанчиқлиги туфайли поезд ўз вақтида тўхтай олмаган, тезликни пасайтириш давомида олдинда келаётган поездга урилган.
Мутахассислар барча йўловчиларни эвакуация қилди. Ҳодиса оқибатида 512 киши тан жароҳати олган: улардан 25 нафари кузатув остида, 67 нафари шифохонада, 102 нафарига турли даражадаги синиш ташхиси қўйилган.
Пекинда 13 декабрь куни кучли қор ёғишни бошлаган эди. Айрим поездлар ҳаракати тўхтатилган ва мактаблар ёпилган.
Изоҳ (0)