Таъмирлаш ишлари туфайли Тошкент шаҳрининг Янгиҳаёт, Сергели ва Мирзо Улуғбек туманларининг қатор ҳудудларига 5 январь куни табиий газ етказиб бериш вақтинча тўхтатилади. Бу ҳақда “Ҳудудгаз Пойтахт” матбуот хизмати хабар берди.
Булар:
Янгиҳаёт тумани (14:00 дан 17:00 гача) “Янги турмуш” МФЙ:
- аҳоли истеъмолчилари – 890 та;
- улгуржи истеъмолчилар – 1 та.
Сергели тумани (14:00 дан 16:00 гача) “Мададкор” ва “Зийнат” МФЙ:
- аҳоли истеъмолчилари – 3989 та;
- улгуржи истеъмолчилар сони – 4 та.
Мирзо Улуғбек тумани (14:00 дан 18:00 гача) Шўртепа, Моҳларойим, Бинокор, Жасорат, Узумзор, Ш.Бурҳонов, Ойишахоним, Турон, Гулнор ва Сарбаланд кўчалари:
- аҳоли истеъмолчилари – 582 та;
- улгуржи истеъмолчилар – 13 та,
Таъмирлаш ишлари тугатилгандан сўнг, табиий газ таъминоти қайта тикланади. Юзага келаётган ноқулайликлар учун газ таъминоти филиали истеъмолчилардан узр сўрайди.
Шунингдек, истеъмолчиларга сифатли ва барқарор электр энергияси етказиб берилишини таъминлаш ҳам электр тармоқларидаги авариявий ҳолатларни олдини олиш ҳамда мавжуд электр қурилмаларида таъмирлаш ишларини олиб бориш мақсадида 5 январь куни қуйидаги манзилларда электр таъминоти вақтинча ўчирилади:
- Миробод тумани — “Ойбек” МФЙнинг айрим ҳудудларида соат 10:00 дан 17:00 гача;
- Бектемир тумани — “Гулбоғ” МФЙнинг айрим ҳудудларида соат 09:00 дан 17:00 гача.
Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлиги маълум қилинди.
Декабрь ойи бошида баъзи вилоятлардагина метан заправкаларга чеклов киритилган бўлса, 8 декабрь куни бу тартиб Ўзбекистон бўйича жорий этилган эди. Кейинроқ, 12 декабрдан газ заправкалар соат 06:00 дан 12:00 гача ишлаш режимига ўтганди. Шу куннинг эртасига, 13 декабрь куни пойтахт, Самарқанд, Тошкент, Андижон, Наманган ва Фарғона вилоятларидаги АГТКШларнинг фаолиятига қўшимча чекловлар киритилди. Мазкур вилоятларга киритилган чеклов 15 декабрдан юмшатилди.
Изоҳ (0)