Taʼmirlash ishlari tufayli Toshkent shahrining Yangihayot, Sergeli va Mirzo Ulug‘bek tumanlarining qator hududlariga 5-yanvar kuni tabiiy gaz yetkazib berish vaqtincha to‘xtatiladi. Bu haqda “Hududgaz Poytaxt” matbuot xizmati xabar berdi.
Bular:
Yangihayot tumani (14:00 dan 17:00 gacha) “Yangi turmush” MFY:
- aholi isteʼmolchilari – 890 ta;
- ulgurji isteʼmolchilar – 1 ta.
Sergeli tumani (14:00 dan 16:00 gacha) “Madadkor” va “Ziynat” MFY:
- aholi isteʼmolchilari – 3989 ta;
- ulgurji isteʼmolchilar soni – 4 ta.
Mirzo Ulug‘bek tumani (14:00 dan 18:00 gacha) Sho‘rtepa, Mohlaroyim, Binokor, Jasorat, Uzumzor, Sh.Burhonov, Oyishaxonim, Turon, Gulnor va Sarbaland ko‘chalari:
- aholi isteʼmolchilari – 582 ta;
- ulgurji isteʼmolchilar – 13 ta,
Taʼmirlash ishlari tugatilgandan so‘ng, tabiiy gaz taʼminoti qayta tiklanadi. Yuzaga kelayotgan noqulayliklar uchun gaz taʼminoti filiali isteʼmolchilardan uzr so‘raydi.
Shuningdek, isteʼmolchilarga sifatli va barqaror elektr energiyasi yetkazib berilishini taʼminlash ham elektr tarmoqlaridagi avariyaviy holatlarni oldini olish hamda mavjud elektr qurilmalarida ta’mirlash ishlarini olib borish maqsadida 5-yanvar kuni quyidagi manzillarda elektr taʼminoti vaqtincha o‘chiriladi:
- Mirobod tumani — “Oybek” MFYning ayrim hududlarida soat 10:00 dan 17:00 gacha;
- Bektemir tumani — “Gulbog‘” MFYning ayrim hududlarida soat 09:00 dan 17:00 gacha.
O‘z navbatida, yuqoridagi hududlarda ta’mirlash ishlari belgilangan vaqtdan avvalroq yakunlanishi mumkinligi ma’lum qilindi.
Dekabr oyi boshida baʼzi viloyatlardagina metan zapravkalarga cheklov kiritilgan bo‘lsa, 8-dekabr kuni bu tartib O‘zbekiston bo‘yicha joriy etilgan edi. Keyinroq, 12-dekabrdan gaz zapravkalar soat 06:00 dan 12:00 gacha ishlash rejimiga o‘tgandi. Shu kunning ertasiga, 13-dekabr kuni poytaxt, Samarqand, Toshkent, Andijon, Namangan va Farg‘ona viloyatlaridagi AGTKSHlarning faoliyatiga qo‘shimcha cheklovlar kiritildi. Mazkur viloyatlarga kiritilgan cheklov 15-dekabrdan yumshatildi.
Izoh (0)