Pegasus авиакомпаниясининг Измирдан Лондонга учаётган самолёти София аэропортига кутилмаганда қўнишга мажбур бўлди. Бу ҳақда Болгария миллий радиоси маълум қилди.
Самолёт командири самолёт бортида Британия фуқароси ҳалок бўлганидан кейин қўнишга қарор қилган.
Ҳозирча ҳодисанинг бошқа тафсилотлари келтирилмаган. Ҳалок бўлган инсон жасади тегишли хизмат вакилларига топширилгандан кейин, самолёт яна Лондонга учишга тайёргарлик кўради.
Аввалроқ Uzbekistan Airways авиакомпаниясининг HY-9617 рейси билан Навоий—Москва йўналиши бўйича парвоз қилаётган самолёти ҳавога кўтарилганидан кўп ўтмай Урганч аэропортига қўнишга мажбур бўлгани хабар қилинганди. Бунга йўловчилардан бирининг аҳволи ёмонлашгани сабаб бўлган.
“Бортида 107 нафар йўловчи бўлган самолёт Тошкент вақти билан соат 18:42 да Урганч аэропортига қўнди. Йўловчи (Ўзбекистон фуқароси) рейсдан олиниб, Урганч шаҳар шифохонасига ётқизилди.
Маҳаллий вақт билан соат 19:51 да Uzbekistan Airways авиакомпанияси самолёти ‘Внуковo’ аэропортига учиб кетди”, — деб хабар берган Uzbekistan Airports.
Изоҳ (0)