ҲАМАС гуруҳининг юқори мартабали амалдори Солиҳ ал-Арурий 2 январь куни Исроил учувчисиз учоқларининг Байрут чеккасидаги Даҳия шаҳрига берган зарбаси оқибатида ҳалок бўлди, деб ёзмоқда Reuters манбаларига таяниб.
“Ҳизбуллоҳ”га алоқадор Ал-Майадеен сайти хабарига кўра, ҲАМАС ал-Арурий ўлдирилганини тасдиқлади.
Исроил ҳарбийлари хорижий ОАВ хабарларига муносабат билдирмаслигини айтиб, Reuters’га бу маълумотни изоҳлашдан бош тортди.
Ал-Майадеен нашри хабарига кўра, ҲАМАСнинг Байрут чеккасида жойлашган идорасига қилинган ҳужумда олти киши ҳалок бўлган.
57 ёшли Солиҳ ал-Арури Ливандаги ҲАМАС сиёсий бюросининг юқори мартабали аъзоси эди. У Ғарбий соҳилдаги гуруҳнинг ҳарбий қўмондони бўлган. The Times of Israel таъкидлаганидек, ал-Арурий ҲАМАСнинг бошқа аъзоларига қараганда кўпроқ Эрон ва Ливандаги “Ҳизбуллоҳ” билан алоқадор эди.
Изоҳ (0)