7 октябрь куни Исроил жанубидаги Supernova мусиқа фестивалига уюштирилган ҳужумдан омон қолган 42 кишидан иборат гуруҳ 200 миллион шекел (56 миллион доллар) компенсация талаб қилиб, судга мурожаат қилди. Бу ҳақда Al Jazeera хабар берди.
Судда айбланувчилар қаторидан Исроил армияси, Исроил Мудофаа вазирлиги, Исроил полицияси ва Исроил хавфсизлик хизмати ўрин олган. Даъво аризасида Исроил армияси расмийлари одамларни кутилаётган хавф туфайли ҳудудни зудлик билан тарк этишлари ҳақида огоҳлантириб, “бир телефон қўнғироғи” билан ҳаётни сақлаб қолишлари мумкин бўлгани айтилган.
Исроил ҳукуматининг огоҳлантириши “юзлаб зиёфат иштирокчиларига, шу жумладан даъвогарларга жисмоний ва руҳий жароҳатларнинг олдини олишда ёрдам бериши мумкин эди” дейилади даъво аризасида.
Supernova мусиқа фестивалига 3500 га яқин одам ташриф буюрди, унда камида 260 киши ҳалок бўлди ва кўплари қўшни Ғазо секторидан юк машиналари ва мототциклларда ҲАМАС жангчилари етиб келганидан кейин гаровга олинди.
Изоҳ (0)