ҲАМАС етакчиси Яҳё Синвар гуманитар карвонда Ғазо сектори шимолидан чиқиб кетди. Бу ҳақда Исроил расмийлари баёнотига таяниб, Bild хабар берди.
Тахминларга кўра, у ҳозир сектор жанубидаги Хон Юнис шаҳрида жойлашган. Синвар тинч аҳоли учун очилган гуманитар коридор орқали шимолдан чиқиб кетгани айтилмоқда. ҲАМАС сиёсий раҳбарияти Қатарда жойлашган, бироқ Синвар гуруҳдаги энг қудратли шахс саналади.
Синвар 20 йилдан кўпроқ вақт давомида Исроил қамоқхоналарида бўлган ва 2011 йилда озод қилинган. Ўшанда Исроил бир нафар аскари эвазига мингдан ортиқ фаластинлик маҳбусни озод қилганди.
Синвар қамоқхонада иброний тилини, Исроил тарихи ва исроиллик сиёсатчиларнинг таржимаи ҳолларини ўрганган. У бизни жуда яхши билади, — дейди исми келтирилмаган қамоқхонанинг собиқ ходими. У ҳозирда разведкачи сифатида фаолият олиб боради.
Изоҳ (0)