Италиянинг “Наполи” жамоаси Европа Суперлигасига қўшилишга тайёр.
Европа Иттифоқи суди 21 декабрь куни Суперлига фойдасига қарор чиқарди ва ФИФА ҳамда УЕФА томонидан лойиҳанинг бошланишига тўсқинлик қилиниши ноқонуний деб топилди.
ANSA нашрининг хабарига кўра, неаполитанлар президенти Аурелио де Лаурентис суд қарорини мамнунлик билан қабул қилди. Президент Европанинг бошқа клублари билан маслаҳатлашиб, лойиҳани янада ривожланишига ҳисса қўшишга тайёрлигини маълум қилди.
“Асрга татигулик қарор. Шу вақтга қадар монополист сифатида иш олиб борганлар футбол бизнес эканлигини даромад ошиб бориши кераклигини тушунмади.
Агар мен миллионлаб пулларимни циркка сарфласам, у фойда келтирмайдиган ва самарасиз бўлса, буни кимга кераги бор.
Ёшларни йўқотяпмиз. Бизга кўпроқ динамика керак”, — дейди де Лаурентис.
Изоҳ (0)