Арча 1920 йилда лофборолик Дороти Грант исмли қизчага совға қилинган. Ўша пайтда қизча атиги саккиз ёшда бўлган. Арча 79 сантиметр бўлиб, 25 та шох, 12 та безак ва олтита кичик чироқлардан иборат. Қиз ҳам арча шохларини пахта толалари билан қор кўринишида безатган.
Биринчи Жаҳон урушидан кейин битта янги йил арчаси ҳам катта ҳашамат эди, шунинг учун оддий сунъий арча ҳам бола учун қадрли бўлган. Дороти арчани 2014 йил январь ойида 101 ёшида вафот этгунига қадар сақлаб келган.
Доротининг ўлимидан сўнг, арча Лофборо яқинида яшовчи унинг 84 ёшли қизи Ширли Ҳоллнинг мулкига айланган. Ўн йил ўтгач, аёл ўзининг ноодатий меросини кимошди савдосига қўйишга қарор қилди. Ширли онасининг хотирасини ҳурмат қилишни ва ёдгорлик ишончли қўлларда қолишини хоҳлади.
Мутахассислар арчани атиги 76-101 долларга баҳолаган. Аммо янги йил арчасининг кучи Буюк Британияда номаълум харидорни ўз баҳосидан 50 баравар кўпроқ пул тўлашга мажбур қилди.
“Бу бизга Рождество руҳини ҳис қилиш учун исрофгарчилик ва ортиқча нарсалар талаб қилинмаслигини эслатиб туради. Дороти учун бу дарахт етарли бўлган. Ўтган авлодлар ҳамон бизга қимматли сабоқларни ўргатмоқда”, — деди аукцион эгаси Чарльз Хенсон.
Изоҳ (0)