Янги йил арафасида “Уйда ёлғиз” фильмини оилавий томоша қилиш анъанага айланиб қолган. Аммо фильмни неча марта кўрган бўлсангиз ҳам, сиз эътибор қилмаган деталлар талайгина.
Авиачипта
Кевиннинг уйда қолганини сезмаслик, болалар сони ва уйдаги тартибсизликни ҳисобга олсак, ажабланарли эмас. Аэропортда Кевин йўқолганини билдириб қўйган ягона нарса унинг самолёт чиптаси эди. Бироқ жаноб Маккаллистер тўкилган сут теккан столдаги нарсаларни йиғиштирганда, тасодифан самолёт чиптасини ҳам ташлаб юборади. Аэропортда барча болалар хотиржамлик билан чипталарини кўрсатган бўлса, унда бу Кевиннинг чиптаси бўлиши керак.
Қўшни бола
Бироқ самолёт чиптаси ота-онасига Кевинни эслатишга ёрдам берадиган ягона нарса эмасди. Улар юкларини машинага ортаётганда Кевиннинг опаси барча ака-ука ва опа-сингилларини бошма-бош санайди. Лекин ҳамма шу ерда эди, болалар сони тўғри чиқади. Бу Кевиннинг опаси саноқда хато қилганини англатмайди, балки машинада ўйинчоқларга қизиққан қўшни бола ҳам бор эди.
Ўргимчак
1990 йилда графика аллақачон ривожланган бўлса-да, ўргимчакни ҳақиқийсидан ажратиб бўлмайдиган қилиб чизиш имконсиз эди, шунинг учун Марк ролини ўйнаган Дэниел Стерн юзига ҳақиқий ўргимчакни қўйишга зўрға кўнади. Ўргимчакнинг ҳам, актёрнинг ҳам хавфсизлиги учун бу кадр бир уринишда суратга олинган. Ўргимчак қўрқиб кетмаслиги учун, Дэниелнинг қичқириғи дубляж қилинади.
Попкорн
“Уйда ёлғиз” фильмида энг кичик деталларга ҳам катта эътибор берилган. Кевин каравотдан сакраб тушганида қўлидаги попкорн тўкилиб кетади. Бу попкорнни кейинроқ Кевин каравот остида ўғрилардан яширинганида кўриш мумкин.
Сочиқ
Шуни таъкидлаш керакки, киноижодкорлар сочиқни ҳаддан ташқари кўпайтириб юборган. Уйда 3 нафар бола ва иккита ота-она яшайди, уларнинг ҳар бири ўз сочиқларига эга бўлиши табиий ҳол. Аммо сочиқлар жуда кўп. Уйда иккинчи ҳаммом мавжудлигини ҳисобга олсак, 15 та сочиқ битта хонада бўлиши ғалати туюлади.
Имловий хато
Ўғриларга қарши Кевин тузоқлар ясайди ва ҳатто барча ҳаракатларни ичига олган режа тузади. Томошабинга Кевин ҳали 8 ёшда эканлигини эслатиш учун реквизитлар болаларча имло хато билан ёзилади.
Арча ўйинчоқлари
Афсуски, барча деталларга ҳам эътибор берилган деб бўлмайди. Кевиннинг тузоқларидан бири дераза олдига сочилган арча ўйинчоқлари бўлиб, Марк ундан жароҳат олиши керак эди. Кевин бу ўйинчоқларни безатилган арчадан олади, аммо диққат билан қарасангиз, полдаги ўйинчоқлар дарахтга осилганидан фарқ қилади. Гап шундаки, арча безаклари ҳақиқий бўлган, шу сабабли Дэниел Стерн жиддий жароҳат олиши мумкин эди. Шунинг учун улар реквизит ўйинчоқларга алмаштирилади, Стерн эса ҳар эҳтимолга қарши резина этик кийиб олади.
Базнинг “қизи”
Кадрлардан бирида Кевин акаси Базнинг севгилиси суратини олади ва уни ёқтирмаганини ижирғаниб кўрсатади. Фильм ижодкорлари бу ҳақда ўйлаб, ҳақиқий қиз сурати уни хафа қилиши мумкинлигини англаб, фильм бадиий раҳбарининг ўғлини қиз болача кийинтириб, суратга олишади.
Қор
Фильм охирида Кевин деразадан ташқарига қарайди ва қўшни қарияга қўл силкийди, шу пайт ташқарида қор ёғаётган эди. Бироқ бу ҳақиқий қор эмас, балки оққа бўялган картошка ёрмаси (хлопья) бўлади.
Ранглар
Янги йил атмосферасини яратиш учун фильмда кўпроқ иккита рангдан фойдаланилади — байрамона яшил ва қизил. Маккаллистерлар уйидаги идишлар, кийим-кечак, сочиқ, ўсимликлар, парда, гулқоғоз нақшлари, диван ва девор ҳам яшил рангда эди. Бошқа кийим-кечак, гулқоғоз нақшлари, озиқ-овқат, арча безаклари, ёстиқлар, каминдаги пайпоқлар, гилам ва бошқа ички элементлар эса қизил рангда бўлади.
Изоҳ (0)