Archa 1920-yilda lofborolik Doroti Grant ismli qizchaga sovg‘a qilingan. O‘sha paytda qizcha atigi sakkiz yoshda bo‘lgan. Archa 79 santimetr bo‘lib, 25 ta shox, 12 ta bezak va oltita kichik chiroqlardan iborat. Qiz ham archa shoxlarini paxta tolalari bilan qor ko‘rinishida bezatgan.
Birinchi Jahon urushidan keyin bitta yangi yil archasi ham katta hashamat edi, shuning uchun oddiy sunʼiy archa ham bola uchun qadrli bo‘lgan. Doroti archani 2014-yil yanvar oyida 101 yoshida vafot etguniga qadar saqlab kelgan.
Dorotining o‘limidan so‘ng, archa Lofboro yaqinida yashovchi uning 84 yoshli qizi Shirli Hollning mulkiga aylangan. O‘n yil o‘tgach, ayol o‘zining noodatiy merosini kimoshdi savdosiga qo‘yishga qaror qildi. Shirli onasining xotirasini hurmat qilishni va yodgorlik ishonchli qo‘llarda qolishini xohladi.
Mutaxassislar archani atigi 76-101 dollarga baholagan. Ammo yangi yil archasining kuchi Buyuk Britaniyada nomaʼlum xaridorni o‘z bahosidan 50 baravar ko‘proq pul to‘lashga majbur qildi.
“Bu bizga Rojdestvo ruhini his qilish uchun isrofgarchilik va ortiqcha narsalar talab qilinmasligini eslatib turadi. Doroti uchun bu daraxt yetarli bo‘lgan. O‘tgan avlodlar hamon bizga qimmatli saboqlarni o‘rgatmoqda”, — dedi auksion egasi Charlz Xenson.
Izoh (0)