Германия шимолидаги Ринтелн шаҳрида яшовчи эр-хотин уйида ҳар хил шакл ва рангдаги 555 та Янги йил арчаларини ўрнатди. Германия рекордлар институти бу — бир турар жой ҳудудида ўрнатилган энг кўп арча эканлигини таъкидлади.
57 ёшли эркак арча йиғишни 12 йил аввал бошлаган. Аста-секин бу ишга унинг хотини ҳам қизиқиб қолган. Улар ўзларининг севимли машғулотини қишки байрамларга бўлган муҳаббати билан изоҳлади.
Уларнинг 180 квадрат метрли уйи худди Янги йил буюмларини сотадиган дўконни эслатади. Бу катта коллекциясини безатиш учун уларга 108 мингта шар ва 48 мингта чироқлар керак бўлган.
Янги йил арчаси ҳамма хоналарга ўрнатилиб, биргина меҳмонхонанинг ўзида 89 та арча безатилгани айтилади. Ҳатто ҳаммомга ҳам ўрнатилган.
Айни пайтда бу гўзалликни кўриш учун Германиянинг турли бурчакларидан ва ҳатто қўшни мамлакатлардан меҳмонлар келмоқда. Бу жуфтликнинг иккинчи шундай ютуғи ҳисобланади. Бундан бир неча йил олдин эр-хотин 444 та байрам дарахтини ўрнатган ва рекорд сифатида қайд этилган эди.
Изоҳ (0)