Шавкат Мирзиёев Қатарнинг миллий байрами — Мустақиллик куни муносабати билан Қатар амири шайх Тамим бин Ҳамад ал Сонийга табрик йўллади.
Президент матбуот котибининг хабар қилишича, мактубда Ўзбекистон ва Қатар халқларини ўзаро боғлаб турувчи тарихий-маданий ришталар бугунги кунда кенг кўламли ва узоқ муддатли алоқаларнинг мустаҳкам пойдевори бўлиб хизмат қилаётгани катта мамнуният билан таъкидланган.
“Ўртамизда қарор топган самимий ва дўстона муносабатлар, сермаҳсул мулоқотларимизнинг тобора фаоллашиб бораётгани, кўплаб устувор соҳаларда эришилган муҳим келишувлар натижасида сўнгги пайтларда ҳамкорлигимиз салоҳият ва имкониятларимизга мос бўлган юқори даражага кўтарилди”, — дейилади, жумладан, қутловда.
Давлат раҳбари Қатар етакчисига мустаҳкам соғлик, оилавий бахт-саодат, масъулиятли давлатчилик фаолиятида янги зафарлар, дўст Қатар халқига эса тинчлик-омонлик, бардавом тараққиёт ва фаровонлик тилади.
Изоҳ (0)