Наманганда Озарбайжон тиббиёти кунлари бошланди. Бу ҳақда “Дарё” мухбири Азизбек Абдувалиев хабар бермоқда.
Фото: Наманган вилоят соғлиқни сақлаш бошқармаси
Тадбирнинг ялпи анжумани вилоят Маърифат марказида бўлиб ўтди. Вилоят ҳокимининг ўринбосари Ғуломжон Муродхўжаев икки давлат ўртасидаги ўзаро алоқалар равнақ топаётгани, эндиликда бу ҳамкорлик тиббиёт соҳасида ҳам жадал ривожланаётганлигини таъкидлаб ўтди.
Фото: Наманган вилоят соғлиқни сақлаш бошқармаси
Шундан сўнг навбат илмий маърузаларга берилди. Жумладан, тиббиёт фанлари доктори, профессор Гурбанхан Муслимов, Озарбайжон Республикаси Миллий Мажлиси депутати, тиббиёт фанлари доктори, профессор Рашод Маҳмудовнинг юрак-ишемик касалликлари, лапораскопик ва робот хирургиянинг долзарб мавзулари юзасидан чиқишлари тингланди.
Фото: Наманган вилоят соғлиқни сақлаш бошқармаси
Анжуманда Рашод Маҳмудовга Наманган давлат университети фахрий профессори унвони берилди. Меҳмонга диплом ва эсдалик совғалари топширилди.
Фото: Наманган вилоят соғлиқни сақлаш бошқармаси
Халқаро тадбир режасига кўра, Намангандаги бир қатор тиббиёт масканларида озарбайжонлик шифокорлар иштирокида юқори технологик жарроҳлик амалиётлари бажарилади. Жумладан, бу жараёнларга вилоят кўп тармоқли тиббиёт маркази, вилоят перинатал маркази, Республика шошилинч тиббий ёрдам илмий маркази, эндокринология илмий-амалий тиббиёт маркази ва кардиология илмий-амалий тиббиёт марказларининг вилоятдаги филиалларида киришилди.
Фото: Наманган вилоят соғлиқни сақлаш бошқармаси
Шунингдек, озарбайжонлик шифокорлар маҳаллий мутахассислар учун жарроҳлик, кардиология, гинекология, эндокринология, инвазив радиология ва интенсив терапия бўйича маҳорат дарслари ўтмоқда.
Изоҳ (0)