Наманган вилоят мусиқали драма театри Озарбайжонда гастрол сафарларида бўлиб қайтди. Бу ҳақда “Дарё” мухбири Азизбек Абдувалиев хабар бермоқда.
Наманган вилоят мусиқали драма театри
Театр жамоаси Озарбайжон давлат академик мусиқали театрида режиссёр Маъруфжон Ниёзов томонидан саҳналаштирилган Ўзбекистон халқ шоири Охунжон Ҳакимов қаламига мансуб “Бу чоллар ажиб чоллар” комедиясини намойиш этди.
.jpg?_t=1696500997)
Наманган вилоят мусиқали драма театри
Жамоа мазкур театр директори, Озарбайжонда хизмат кўрсатган санъат арбоби Алиисмат Лалаев бошчилигидаги ҳамкасблар билан яқин алоқалар ўрнатишга ҳам улгурди.
Наманган вилоят мусиқали драма театри
“Икки кун давомида намойиш этилган спектаклни озарбайжонлик томошабинлар жуда яхши кутиб олди. Бир-биримизни таржимонларсиз ҳам тушунишимиз мумкинлигини гастрол сафари давомида яна бир бор англаб етдик. Спектакл якунида томошабинларга тақдим этилган ‘Асссалом озарларим’ қўшиғи эса олқишлар билан қарши олинди”, — дейди театр директори Нозимжон Тошпўлатов.
Наманган вилоят мусиқали драма театри
Наманган вилоят мусиқали драма театри
Театр жамоаси охирги бор 2020 йили Қозоғистонда ижодий сафарда бўлиб қайтганди. Энди наманганлик санъаткорлар Бошқирдистон, Жанубий Корея, Сингапур ва Франциядан гастроллар ташкил этиш бўйича келиб тушган таклифларни кўриб чиқмоқда.
Наманган вилоят мусиқали драма театри
Изоҳ (0)